Ein ny kvardag

For dei aller fleste har det den siste månaden blitt ein ny kvardag, mange har fått nye rutiner, fleire har blitt permittert, avgrensa opningstider og restriksjonar på kven og kvar ein kan møtast.

I kvardagspraten denne veka tek vi ein prat med Irene Krokeide Alnes, som frå 11. mai er permittert frå IMF (Indremisjonsforbundet). Ein ny kvardag, også for Krokeide Alnes, som aldri før har opplevd at så mange også i misjonen er permittert på same tid.

Den siste tida har Irene Krokeide Alnes vore med som forbedar under kveldsmøta på Radio Sunnmøre. Over 300 bøneemner har kome inn, og det som Krokeide Alnes nemnar som overveldande, er alle som ber om frelse for sine, i ei tid då mange også har bekymringar langt framme for folk som gjeld både økonomi og helse.