Kystpilegrimstur med sunnmørsjekta

I sommar kan du vere med på å segle i snart tusen år gamle spor og vere kystpilegrim på ein tredagars tur frå Herøy via Giske til Borgund og Valldal. Vi har tatt ein prat med sokneprest i Herøy kyrkje, Solfrid Leinebø Seljå, som saman med Herøy Kystmuseum arrangerer denne turen 12. juli i år.

Herøy er nøkkelstad i den nasjonale kystpilegrimsleia. I sommar vert det utgangspunkt for pilegrimsferd til sjøs der ein følgjer segn og spor etter Heilag Olav. Eileen Gjerde, Hans-Lennart Sævik og Solfrid Leinebø Seljås blir med på turen.