
Frå berykta fange til ivrig evangelist
Denne våren har Olaug Lillian Bjørke vore på reise med Åpne Dører til Sentral Asia.Ein av Open Doors sine kjerneverdiar er: «We are people of the
Bible». I dagens program får du høyre korleis dette kjem til uttrykk i stan-landa. Mina* (26) er involvert i å dele evangeliet med barn og unge, og fortel korleis eit søskenpar på 8 og 12 år fekk bringe familien til tru. Det heile starta med at dei kom på eit barnemøte som Mina og den lokale pastoren arrangerte på landsbygda. I andre halvdel av programmet får du møte Pastor Pavel*. Du får høyre korleis eit russisk-koreansk nytestamente frå fengselsbiblioteket forvandla ein berykta fange til ein ivrig evangelist. No står Pavel igjen i fare for å hamne i fengsel, på grunn av si tru og teneste. Han seier: «Eg er trygg på at det er Guds vilje at eg tener Han her. Det er min plass, også om Gud vil eg skal tene Han i fengselet. Eg er ikkje redd. Mi bekymring er kva som vil skje med familien min dersom eg blir tatt.» Pavel ber om forbøn for sine kjære; kona og barna som er i alderen 1-7 år. I programmet får du elles høyre «Ditt ord er en lykt for min fot» av Søndagsskolen Norge.
